కూకట్పల్లి, అక్టోబర్ 29: తెలంగాణలో ఎన్నికల (Telangana Elections 2024) సందడి జోరందుకుంది. ప్రధాన పార్టీల్లో అభ్యర్ధలకు టికెట్ల కేటాయింపులు రసవత్తరంగా మారాయి. అలకలు, బుజ్జగింపుల నడుమ కొందరునేతలు టికెట్ ఇవ్వకుంటే రెబల్ అభ్యర్ధిగా బరిలో దిగుతామని ఛాలెంజ్లు విసురుతున్నారు. తాజాగా తెలంగాణ (Telangana)లో కాంగ్రెస్ పార్టీకి అనుకూల పవనాలు వీస్తున్న క్రమంలో కూకట్పల్లి బీఆర్ఎస్ (Kukatpally BRS) పార్టీలో కొత్త లొల్లి షురూ అయ్యింది. కూకట్పల్లి నియోజకవర్గం టికెట్ ఆశించిన గొట్టిముక్కల వెంటేశ్వరరావు (Gottimukkala Venteswara Rao)కు అధిష్టానం ఈ సారి కూడా మొండిచేయి చూపింది. దీంతో 2009 నుంచి బీఆర్ఎస్ పార్టీని నమ్ముకుని ఉన్న గొట్టిముక్కల వెంకటేశ్వర్ రావును కాదని సిట్టింగ్ ఎమ్మెల్యే మాధవరం కృష్ణారావుకే టికెట్ ప్రకటించడంతో తీవ్ర అసహనం వ్యక్తం చేశాడు. తాను రెబెల్ (BRS Rebel Gottumukkala Venkateswar Rao) అభ్యర్థిగా బరిలో ఉంటున్నట్టు గొట్టిముక్కల ప్రకటించడం కూకట్పల్లి (Kukatpally) రాజకీయాలు చర్చణీయాంశంగా మారాయి. ఈ పరిణామం బీఆర్ఎస్ (BRS)కు కొత్త కష్టాలు తెచ్చిపెడుతుందని రాజకీయ విశ్లేషకులు అంటున్నారు.
బీఆర్ఎస్కు కష్టకాలమేనా..?
ఇప్పటికే చంద్రబాబు అరెస్ట్ (Chandrababu Naidu Arrest) సందర్భంగా బీఆర్ఎస్ పార్టీ (BRS) మౌనం వహించడంతోపాటు తెలంగాణలో ఆందోళనలు అవసరమా? అంటు మంత్రి కేటీఆర్ అన్నమాటలు కమ్మ సామాజిక వర్గం మనోభావాలు దెబ్బతిన్నాయి. అంతే కాకుండా కాంగ్రెస్ (Congress) పార్టీకి తమ మద్దతు ఇస్తున్నట్టు కమ్మ సంఘం ప్రకటించింది కూడా. మరో వైపు గ్రేటర్ ఎన్నికల నుంచి బీజేపీ (BJP) పార్టీ.. కర్ణాటక ఎన్నికల నుంచి కాంగ్రెస్ పార్టీలు ఊపందుకున్నాయి. వచ్చే ఎన్నికల్లో జనసేన పార్టీ (Janasena Party) సైతం పోటీలో ఉంటున్నట్టు ప్రకటించింది. వీటన్నింటి నడుమ ఈసారి బీఆర్ఎస్ గట్టెక్కడం ఓ డౌటనుమానంగా ఉందంటూ రాజకీయ విశ్లేషకులు పెదవి విరుస్తున్నారు.
ఈ క్రమంలో బీఆర్ఎస్ రెబెల్గా గొట్టిముక్కల వెంకటేశ్వర్ రావు (Gottimukkala Venteswara Rao) బరిలో దిగడమేకాకుండా.. తన మద్దతుదారులతో సమావేశాలు నిర్వహిస్తూ ముమ్మర ప్రచారాలు చేసుకుంటూ పోతున్నాడు. ప్రధానంగా యువతను ఎన్నికల్లో తన వైపు తిప్పేందుకు యూత్ ఇంటరాక్షన్ కార్యక్రమాన్ని చేపట్టి వేలాది మంది యువత మద్దతును కూడబెట్టుకుంటున్నాడు. అంతేకాకుండా బీఆర్ఎస్ పార్టీలో అసంతృప్తి పరులను ఏకం చేస్తు వారి మద్దతును కూడబెట్టుకునే పనిలో పడ్డాడు. ఇక నవంబర్ రెండో (November 2nd week) వారంలో బీఆర్ఎస్ రెబల్ అభ్యర్ధిగా నామినేషన్కు గొట్టిముక్కల అన్ని విధాలా సిద్ధంగా ఉన్నట్లు సమాచారం.
అసలు ఎవరీ గొట్టి ముక్కల వెంటేశ్వరరావు..
2009లో జీహెచ్ఎంసీ (GHMC) ఎన్నికల్లో ప్రజా రాజ్యం పార్టీ నుంచి కార్పొరేటర్గా పోటీ చేసిన గొట్టిముక్కల వెంకటేశ్వర్ రావు ఓటమి పాలయ్యాడు. ఆ తర్వాత తన అన్న గొట్టిముక్కల పద్మారావుతో కలిసి టీఆర్ఎస్ పార్టీలో చేరారు. అప్పట్లో తెలంగాణ ఉద్యమంలో కీలక పాత్ర పోషించారు. అనంతరం 2014లో జరిగిన ఎన్నికల్లో టీఆర్ఎస్ (TRS) అభ్యర్థిగా బరిలో దిగిన తన అన్న గొట్టిముక్కల పద్మారావుకు మద్దతు ఇచ్చి ఒళ్లుదాచుకోకుండా పనిచేశాడు. టీడీపీ అభ్యర్థి మాధవరం కృష్ణారావుకు గట్టి పోటీ ఇచ్చి ఓటమిపాలయ్యాడు. అయితే టీఆర్ఎస్ పార్టీని కూకట్పల్లి (Kukatpally)లో బలమైన పార్టీగా నిలపడంలో గొట్టిముక్కల అవిశ్రాంతంగా కృషి చేశాడనే చెప్పాలి. ఆ తర్వాత నుంచి కూడా నిత్యం ప్రజలకు అందుబాటులో ఉంటు పలు సేవా కార్యక్రమాలను చేపడుతూ ప్రజలకు దగ్గరయ్యాడు. గొట్టిముక్కల కూకట్పల్లి నివాసి కావడంతో ఆ నియోజకవర్గం ప్రజల్లో గట్టి పట్టు సాధించాడు.
కూకట్పల్లి నియోజకర వర్గంలో పట్టున్న అభ్యర్ధే
ప్రజా ఆదరణ కూడా ఎక్కువగానే ఉంది. 2019 ఎన్నికల సమయంలో బీఆర్ఎస్ పార్టీ టికెట్ (BRS MLA Ticket) ఆశించినప్పటికీ అధిష్టానం టికెట్ కేటాయించక పోవడంతో గొట్టిముక్కల వేలాది మంది అనుచరులు, కార్యకర్తలతో భారీ పాదయాత్ర నిర్వహించారు. దీంతో పార్టీ పెద్దలు గొట్టిముక్కలను సముదాయించి పాదయాత్రను విరమించేలా చేశారు. ఈ సారి కూడా అధిష్టానం టికెట్ ఇవ్వకపోవడంతో.. తీవ్ర అసంతృప్తికి లోనైన గొట్టిముక్కల రెబల్ (BRS Rebel Gottumukkala Venkateswar Rao)గా కూకట్పల్లిలో బరిలో దిగేందుకు సిద్ధమయ్యాడు.
అదే జరిగితే బీఆర్ఎస్ పార్టీ ఓట్లు చీలి పోయే ప్రమాదం ఉందంటున్నారు రాజకీయ విశ్లేషకులు. మరోవైపు టీడీపీ (TDP) అభిమానులు బీఆర్ఎస్ (BRS)కు మద్దతు నిరాకరించి బదులుగా మాంచి ఊపుమీదున్న కాంగ్రెస్ (Congress) పార్టీ నుంచి రేవంత్ రెడ్డికి ఇస్తున్నట్టు సమాచారం. బీజేపీ, జనసేన పొత్తులో పోటీ చేస్తున్నారు. ఇలాంటి క్లిష్టపరిస్థితుల్లో బీఆర్ఎస్ పార్టీలో గొట్టిముక్కలకు స్థానం కల్పించకుంటే బీఆర్ఎస్ అభ్యర్థికి కష్ట కాలమేనని రాజకీయ విశ్లేషకులు అభిప్రాయ పడుతున్నారు.
