గత కొన్ని రోజులుగా మీకు కళ్లు విపరీతంగా మండటం, గొంతు గరగర, లేదా నిరంతరం పొడి దగ్గు రావడం వంటి సమస్యలు ఎదురవుతున్నాయా..? చాలా మంది దీనిని సాధారణ కాలుష్యం లేదా వేసవి వేడి వల్ల వచ్చే ఇబ్బందిగా భావిస్తుంటారు. కానీ, దీని వెనుక ‘కంటికి కనిపించని’ ఒక భయంకరమైన వాయువు దాగి ఉంది. అదే గ్రౌండ్-లెవల్ ఓజోన్ (Ground-level Ozone) గ్యాస్. ‘సెంటర్ ఫర్ సైన్స్ అండ్ ఎన్విరాన్‌మెంట్’ (CSE) 2021 నుండి 2026 వరకు జరిపిన తాజా విశ్లేషణ ప్రకారం, భారతదేశంలోనే ఓజోన్ కాలుష్యానికి ఢిల్లీ-ఎన్‌సీఆర్ (Delhi-NCR) ప్రాంతం అతిపెద్ద హాట్‌స్పాట్‌గా మారింది.

Also Read: భర్త గురక తట్టుకోలేక భార్య విడాకులు..!

కేవలం ఢిల్లీనే కాకుండా చండీగఢ్, జైపూర్, అహ్మదాబాద్, ముంబై, చెన్నై, బెంగళూరు, పాట్నా వంటి నగరాల్లోనూ ఈ ఓజోన్ ముప్పు పొంచి ఉంది. సాధారణంగా ఓజోన్ పొర భూమికి ఎగువన ఉండి సూర్యుడి నుండి వచ్చే ప్రమాదకరమైన అతినీలలోహిత కిరణాల నుండి మనల్ని కాపాడుతుంది. కానీ, భూ ఉపరితలంపై (గ్రౌండ్-లెవల్) ఏర్పడే ఓజోన్ మాత్రం అత్యంత ప్రమాదకరమైన కాలుష్య కారకం. వాహనాల నుండి వచ్చే పొగ, ట్రాఫిక్, ఫ్యాక్టరీల నుండి వెలువడే నైట్రస్ ఆక్సైడ్లు, మరియు వోలటైల్ ఆర్గానిక్ కాంపౌండ్స్ తీవ్రమైన ఎండ వేడిమితో రసాయనిక చర్య జరిపినప్పుడు ఈ గ్రౌండ్-లెవల్ ఓజోన్ గ్యాస్ పుట్టుకొస్తుంది.

Also Read: పౌరులు ప్రభుత్వానికి బానిసలు కాదు: హైకోర్ట్ సంచలన కామెంట్

ఎండ తీవ్రత, వడగాల్పులు పెరిగే కొద్దీ ఈ ఓజోన్ సమస్య మరింత తీవ్ర రూపం దాల్చుతుంది. ఈ ప్రమాదకరమైన గ్యాస్ బారిన పడినప్పుడు శరీరంలో తక్షణమే మరియు దీర్ఘకాలికంగా కొన్ని దుష్ప్రభావాలు కనిపిస్తాయి. కళ్లు విపరీతంగా మండటం లేదా దురద పెట్టడం, పొడి దగ్గు, గొంతు మంట, శ్వాస తీసుకోవడంలో ఇబ్బంది, మరియు ఛాతి పట్టేసినట్లు ఉండటం. ఊపిరితిత్తుల్లో ఇన్ఫెక్షన్లు పెరగడం, ఆస్తమా ఉన్నవారికి సమస్య మరింత తీవ్రమవ్వడం మరియు ఊపిరితిత్తుల సామర్థ్యం క్రమంగా క్షీణించడం. ఈ ఓజోన్ వాయువు రాత్రి వేళల్లో కూడా వాతావరణంలో అలాగే నిలిచిపోతుండటంతో, దీనిని నిరంతరం పీల్చడం వల్ల క్రానిక్ లంగ్ డిసీజ్, గుండెపోటు (Heart Attack), మరియు బ్రెయిన్ స్ట్రోక్ వచ్చే ప్రమాదాలు గణనీయంగా పెరుగుతాయి.