నీట్ (NEET) పేపర్ లీక్ వివాదాలు, విద్యార్థుల ఉధృత నిరసనల నేపథ్యంలో కేంద్ర విద్యాశాఖ మంత్రి ధర్మేంద్ర ప్రధాన్ తన పదవికి రాజీనామా చేసిన సంగతి తెలిసిందే. అయితే, కేవలం ఈ ఒక్క వివాదం వల్లే ఆయన వికెట్ పడిందా? అంటే కాదనే విశ్లేషణలు వినిపిస్తున్నాయి. వాస్తవానికి ధర్మేంద్ర ప్రధాన్ చాలా కాలంగా ప్రధానమంత్రి నరేంద్ర మోడీ రాడార్‌లోనే ఉన్నారని, రాబోయే క్యాబినెట్ పునర్వ్యవస్థీకరణలో ఆయనపై వేటు పడటం ఖాయమనే సంకేతాలు ముందే వచ్చాయని అంతర్జాతీయ మీడియా కథనాలు వెల్లడిస్తున్నాయి. విద్యార్థుల ఆందోళనలకు ప్రభుత్వం లొంగిపోయినట్లు కనిపించకూడదనే ఉద్దేశంతోనే కేంద్రం కొంత సమయం తీసుకుని, చివరకు ఆయన చేత రాజీనామా చేయించిందని తెలుస్తోంది.

Also Read: బాలయ్య సినిమాలో నెగిటివ్ రోల్‌లో ఆ స్టార్ హీరోయిన్..?

ధర్మేంద్ర ప్రధాన్ రాజకీయ కెరీర్‌ను దెబ్బతీసి, ప్రధాని మోడీ వద్ద ఆయన గ్రాఫ్‌ను తగ్గించిన ఐదు ముఖ్యమైన పాయింట్స్ ఇప్పుడు దేశవ్యాప్తంగా చర్చనీయాంశంగా మారాయి. వాటిలో మొదటిది మరియు అత్యంత కీలకమైనది.. నేషనల్ టెస్టింగ్ ఏజెన్సీ (NTA) ఆధ్వర్యంలో జరిగిన NEET-UG పరీక్షల నిర్వహణలో ఘోర వైఫల్యం, పేపర్ లీకేజీలు మరియు వ్యవస్థాగత అవినీతి ఆరోపణలు. ఈ నిర్లక్ష్యంపై కాక్‌రోచ్ జనతా పార్టీ (CJP) ఆధ్వర్యంలో విద్యార్థులు, విద్యావేత్త సోనమ్ వాంగ్‌చుక్ లాంటి ప్రముఖులు చేపట్టిన ఆందోళనలు దేశవ్యాప్తంగా ప్రభుత్వ ప్రతిష్టను మసకబార్చాయి. రెండవది, NCERT పాఠ్యపుస్తకాల నుంచి మొఘల్ సామ్రాజ్యం చరిత్ర, గుజరాత్ దంగాలు, పీరియాడిక్ టేబుల్ మరియు డార్విన్ పరిణామ సిద్ధాంతాన్ని తొలగించడం ద్వారా విద్యావ్యవస్థను సఫ్రనైజేషన్ చేస్తున్నారంటూ విపక్షాలు, చరిత్రకారుల నుంచి తీవ్ర వ్యతిరేకత మూటగట్టుకోవడం.

Also Read: బొండా అంతర్యం ఏంటీ..? ఎందుకు ఎదురు తిరిగినట్టు..?

వీటితో పాటు జేఎన్‌యూ, ఢిల్లీ యూనివర్సిటీ వంటి ప్రతిష్టాత్మక విద్యాసంస్థల స్వయంప్రతిపత్తి విషయంలో ఘర్షణ వైఖరిని అవలంబించడం, వైస్-ఛాన్స్ లర్ల నియామకాల్లో తీవ్ర జాప్యం చేయడం ఆయనకు మైనస్‌గా మారాయి. ఇక గతంలో (2014-2021) ఆయన పెట్రోలియం శాఖ మంత్రిగా ఉన్న సమయంలో, అంతర్జాతీయ మార్కెట్‌లో క్రూడ్ ఆయిల్ ధరలు కేవలం 60 నుండి 65 డాలర్ల వద్ద తక్కువగా ఉన్నప్పటికీ దేశంలో లీటర్ పెట్రోల్ ధరను రూ. 100 దాటించడం ప్రజల్లో తీవ్ర అసంతృప్తికి దారితీసింది. వీటన్నింటికీ తోడు ఆయనపై ఉన్న పాత క్రిమినల్ చార్జీలు, నాడు విద్యార్థి నేతగా పేపర్ లీక్‌లపై పోరాడి నేడు మంత్రిగా అదే తరహా నిరసనలను తొక్కిపెట్టాలని చూడటం వంటి ద్వంద్వ విధానాలు మోడీ ప్రభుత్వానికి ఒక పెద్ద భారంలా మారాయి. ఈ ఐదు వివాదాల పర్యవసానమే చివరకు ధర్మేంద్ర ప్రధాన్ పదవీ చ్యుతికి దారితీసింది.