యంగ్ టైగర్ జూనియర్ ఎన్టీఆర్ మరియు మాటల మాంత్రికుడు త్రివిక్రమ్ శ్రీనివాస్ కాంబినేషన్లో ఒక భారీ పౌరాణిక యాక్షన్ చిత్రం (Mythological Action Epic) అధికారికంగా ఖరారైంది. 2018 నాటి ‘అరవింద సమేత వీర రాఘవ’ బ్లాక్బస్టర్ తర్వాత వీరిద్దరూ దాదాపు 8 ఏళ్ల విరామం అనంతరం మళ్లీ జతకడుతున్నారు. ఈ ప్రతిష్టాత్మక ప్రాజెక్ట్ను హారిక అండ్ హాసిని క్రియేషన్స్, ఎన్టీఆర్ ఆర్ట్స్ బ్యానర్లపై ఎస్. రాధాకృష్ణ (చినబాబు), నందమూరి కల్యాణ్ రామ్ సంయుక్తంగా నిర్మిస్తున్నారు.
అయితే, ఈ సినిమా అనౌన్స్మెంట్ అందరూ మామూలుగానే కవర్ చేశారు. కానీ, త్రివిక్రమ్ వదిలిన ఫస్ట్ లుక్ పోస్టర్లో దాగి ఉన్న కొన్ని అత్యంత ఆసక్తికరమైన క్రిస్పీ పాయింట్లు మరియు హిడెన్ సీక్రెట్స్ ఇక్కడ ఉన్నాయి. పోస్టర్పై తారక్ షేర్ చేసిన ట్యాగ్లైన్: “ది సన్ ఆఫ్ శివ. ది ప్రైడ్ ఆఫ్ పార్వతి. ది ఎటర్నల్ కమాండర్”. అంటే శివపార్వతుల పుత్రుడు, దేవతల సైన్యాధ్యక్షుడైన కుమారస్వామి కథాంశంతో ఈ సినిమా రాబోతోందని స్పష్టమవుతోంది. పోస్టర్లో చూపించిన ‘వేల్’ (శూలం వంటి ఆయుధం) మురుగన్కు అత్యంత శక్తివంతమైన ఆయుధం.
చాలామంది గమనించని అత్యంత ఆసక్తికరమైన పాయింట్ ఏంటంటే.. ఆ పోస్టర్లో ఉన్న త్రిశూలం మరియు శూలం (Spear) ఒకదానికొకటి పెనవేసుకుని మానవ ‘DNA’ ఆకృతిని పోలి ఉన్నాయి. పౌరాణిక కథాంశానికి సైంటిఫిక్ లేదా వంశపారంపర్య (Genetic) అంశాలను ముడిపెడుతూ త్రివిక్రమ్ ఏదో సరికొత్త మాయాజాలం చేయబోతున్నాడనేదానికి ఇది పెద్ద హింట్. పోస్టర్పై రాసిన క్యాప్షన్: “Born in the North. Forged in the Heartland. Worshipped in the South. Now… A tale destined to belong to the universe”.
ఉత్తరాదిన జన్మించి, మధ్య భారతదేశంలో రూపుదిద్దుకుని, దక్షిణాదిన పూజలందుకుంటున్న దేవుడు ఎవరంటే అది ఖచ్చితంగా కార్తికేయుడే. తమిళనాడుతో పాటు దక్షిణాదిన మురుగన్ ఆరాధన చాలా ఎక్కువ. ఈ కథను గ్లోబల్ ఆడియన్స్కు కనెక్ట్ అయ్యేలా యూనివర్సల్ అప్పీల్తో డిజైన్ చేస్తున్నట్లు మేకర్స్ హింట్ ఇచ్చారు. ఈ చిత్రానికి రాక్స్టార్ అనిరుధ్ రవిచందర్ సంగీతం అందిస్తున్నారు. ప్రస్తుతం దేశవ్యాప్తంగా చార్ట్బస్టర్ ఆల్బమ్స్తో ఊపు ఊపుతున్న అనిరుధ్.. ఫస్ట్ టైమ్ త్రివిక్రమ్-తారక్ కాంబో కోసం ఒక మైథలాజికల్ డ్రామాకు ఎలాంటి బ్యాక్గ్రౌండ్ స్కోర్ ఇస్తాడనేది ఇండస్ట్రీలో హాట్ టాపిక్గా మారింది.
సంబంధిత కథనాలు
అదే వర్గం నుండి
